2026 წლის 25-26 ივლისს, თ. ცერცვაძის სახელობის ინფექციური პათოლოგიის, შიდსის და კლინიკური იმუნოლოგიის ს/პ ცენტრში, გლობალური ფონდის პროგრამის მხარდაჭერით, ჩატარდა ტრენინგი თემაზე „აივ ინფექციის ადრეული დიაგნოსტიკა და ეფექტიანი მართვა: მკურნალობის და პრევენციის სერვისები, აივ ასოცირებული სტიგმა/დისკრიმინაციის შემცირება“.
ტრენინგის ფარგლებში, ცენტრის წამყვანი სპეციალისტების მიერ - ა. აბუთიძე, ნ. ბადრიძე, მ. ცინცაძე, ქ. შერმადინი, ფ. გაბუნია, მ. ლომთაძე, გ. ხეჩიაშვილი - განხილულ იქნა:
- აივ ინფექციის ადრეული დიაგნოსტიკის მნიშვნელობა;
- მკურნალობისა და პრევენციის სერვისები;
- ანტირეტროვირუსული მკურნალობის, პრე- და პოსტ-ექსპოზიციური (PrEP, PEP) პრევენციის თანამედროვე მიდგომები;
- აივ ინფექციასთან დაკავშირებული სტიგმისა და დისკრიმინაციის გავლენა პაციენტის ჯანმრთელობასა და სამედიცინო მომსახურების ხარისხზე;
- ჯანდაცვის დაწესებულებებში სტიგმისა და დისკრიმინაციის პრევენციის პრაქტიკული მიდგომები და ეთიკური პრინციპები;
ტრენინგის მიზანი იყო სამედიცინო პერსონალის ცოდნის და უნარების გაძლიერება, აივ ინფექციის ადრეული გამოვლენისა და მკურნალობაში დროული ჩართვის ხელშეწყობა, ჯანდაცვის სისტემაში სტიგმისა და დისკრიმინაციის შემცირება.
ტრენინგში მონაწილეობდნენ საქართველოს სხვადასხვა სამედიცინო დაწესებულების (მ.შ. აივ/შიდსის დიაგნოსტიკის და მკურნალობის სერვისების მიმწოდებელი კლინიკების) წარმომადგენლები თბილისიდან და რეგიონებიდან - კლინიკური მენეჯერები, ინფექციონისტები, ეპიდემიოლოგები, ექიმი-ლაბორანტები, ინფექციის კონტროლის სპეციალისტები, და ასევე, არასამთავრობო ორგანიზაციების წარმომადგენლები.
