კითხვა–პასუხი
აივ/ინფექცია შიდსით დაავადებულ ადამიანებს უტარდებათ სპეციფიური მკურნალობა და ამ მკურნალობის ფონზე ინფიცირებულთა კლინიკური მდგომარეობა უმჯობესდება. მათ აღარ აქვთ ან მცირედ გამოხატულია შიდსისთვის დამახასიათებელი სიმპტომები. ასევე იმატებენ წონაში და იზრდება შრომისუნარიანობა. ინფიცირებულის მდგომარობის გაუმჯობესება დამოკიდებულია მკურნალობის რეჟიმის ზუსტად დაცვასა და ორგანიზმის ინდივიდუალურ თავისებურებებზე.
აივ ინფექცია/შიდსის დიაგნოზის დასმისათვის აუცილებელია ჩატარდეს ლაბორატორიული გამოკვლევა რადგან აღნიშნული სიმპტომები შეიძლება ბევრ დაავადებას ახასიათებდეს.
აივ ინფიცირებული ადამიანის საპარსის გამოყენებით დაინფიცირების შემთხვევა ჩვენს ცენტრში დაფიქსირებული არ ყოფილა. თუმცა იმის შანსი, რომ ამ გზით ადამიანი დაინფიცირდეს საკმაოდ მცირე, მაგრამ მაინც რეალურად არსებობს, ამიტომ თქვენ გეძლევათ რეკომენდაცია მომართოთ ცენტრს საპასრსის გამოყენების მომენტიდან 3 თვის გასვლის შემდეგ და ჩიატაროთ გამოკვლევა აივ ინფექცია შიდსზე.
შიდსის გადაცემის შანსი არსებობს სქესობრივი კონტაქტის ყველა ფორმის დროს.
ხარისხიანი პრეზერვატივი წარმოადგენს აივ ვირუსისაგან თავდაცვის საშუალებას, თუ ის არ დაზიანდა სქესობრივი აქტის დროს.
ქავილი სასქესო ორგანოებზე ძირითადად დამახასიათებელია სოკოვანი დაავადებებისათვის, ამიტომ რეკომენდებულია ვისაც ეს პრობლემა აქვს ჩაიტაროს გამოკვლევა სოკოვან დაავადებებზე.
სამწუხაროდ "ანტი სტიგმის" შესახებ დაწვრილებით ინფორმაციას ვერ მოგაწვდით.
კანის გაღიზიანების შედეგად კანზე არსებული მიკრობები იწვევენ კანის ინფექციებს (განსაკუთრებით ჩირქმბადი ბაქტერიები, მაგ. სტაფილოკოკები). ეს ბუნებრივი მოვლენაა და არ არის დაკავშირებული კონკრეტულად იმუნოდეფიციტთან. ასევე ზაფხულში ცხვირით სუნთქვის გაძნელების მიზეზი არ შეიძლება იყოს იმუნოდეფიციტი. ცხვირში გაჭედვა და სურდო დაკავშირებულია ალერგიულ რეაქციებთან (ალერგიული რინიტი), რომელიც ზაფხულის პერიოდში ადამიანთა გარკვეულ ნაწილს არენიშნება.
ასეთი შემთხვევის დროს შიდსის ვირუსით დაინფიცირების შემთხვევა აღწერილი არ არის.
შიდსის ვირუსის გადაცემის ერთ-ერთი გზა არის დაუცველი სქესობრივი კავშირები (როგორც ვაგინალური, ისე ანალური და ორალური). თუ თქვენ გქონდათ დაუცველი (პრეზერვატივის გარეშე) ორალური სექსი, მაშინ დაინფიცირების რისკი არსებობს.
აივ ინფიცირების რისკი ამ შემთხვევაში მართლაც არსებობს. მიუხედავად იმისა, რომ მხატვარი ერთჯერადი ხელთათმანით მუშაობს და ნემსიც ერთჯერადია, შეიძლება მოხდეს ინფიცირებული პაციენტის სისხლის შერევა ჭურჭელში არსებულ საღებავთან და მეორე პაციენტის ტატუირების დროს შეიძლება მოხდეს ინფიცირებული სისხლის (თუნდაც უმცირესი წვეთების) მოხვედრა ორგანიზმში. გეთანხმებით, რომ პრობლემა ძალზე აქტუალურია და შიდსის ვირუსით ინფიცირების ერთ-ერთ გზას სამედიცინო მანიპულაციებთან ერთად სწორედ ტატუირება (არასტერილური ნემსის, საერთო ჭურჭლის გამოყენება) წარმოადგენს.
თქვენს მიერ აღნიშნული სიმპტომები ჰგავს ჰერპესულ ინფექციას, რომლისთვისაც დამახასიათებელია წვრილბუშტუკოვანი გამონაყარი სასქესო ორგანოებზე, ასევე პირის ღრუს ლორწოვანზე. აივ ინფექცია/შიდსი მხოლოდ ამ სიმპტომებით არ ხასიათდება. მით უმეტეს, როგორც აღნიშნეთ სქესობრივი კავშირი გქონდათ დაცული. თუ სურვილი გაქვთ, რომ გამოიკვლიოთ თავი აივ ინფექციაზე, შეგიძლიათ მობრძანდეთ შიდსის ცენტრში, გაიაროთ უფასო კონსულტაცია და ჩაიტაროთ გამოკვლევა.
რა თქმა უნდა შეიძლება რომ ნერვული დაძაბულობის და შიშის ფონზე განვითარდეს სხეულის ტემპერატურის აწევა, სისუსტე, უმადობა და სხვ. თუმცა გირჩევთ, ჩაიტაროთ გამოკვლევა აივ ინფექციაზე, ვინაიდან აღნიშნავთ დაუცველ სქესობრივ კონტაქტებს.
უმრავლეს შემთხვევაში აივ ინფექცია მიმდინარეობს უსიმპტომოდ წლების განმავლობაში (საშუალოდ 5-7 წელი). თუმცა გარკვეულ შემთხვევებში ადგილი აქვს მწვავე დაავადების განვითარებას ინფიცირებიდან 2-3 კვირის შემდეგ. მაგრამ ასეთი გამოვლინება იშვიათია.
მხოლოდ გახანგრძლივებული ფაღარათის არსებობა არ ნიშნავს, რომ პიროვნება არის ინფიცირებული შიდსის ვირუსით. გახანგრძლივებული დიარეა ვითარდება კუჭ-ნაწლავის ტრაქტის ინფექციებისათვის, ასევე დისბაქტერიოზისთვისაც. იზოლირებულად დიარეის არსებობა სხვა სიმპტომების გარეშე არ ნიშნავს იმას, რომ პიროვნება ინფიცირებულია შიდსის ვირუსით. მაგრამ თუ ასეთი პაციენტი მკურნალობს ფაღარათს თვეების განმავლობაში და ეს პრობლემა კიდევ გრძელდება, სასურველია, გამოკვლევის ჩატარება აივ/შიდსზე.
ასეთი შემთხვევის დროს შიდსის ვირუსით დაინფიცირება აღწერილი არ არის. ასეთი ქცევით აივ ინფექცია/შიდსი არ ვრცელდება.
მსოფლიოში აივ ინფექცია/შიდსით დაინფიცირდა და დაიღუპა 20 მლნ-ზე მეტი ადამიანი. მათ შორის, იყო ბევრი ცნობილი ადამიანი, რომლებიც მოღვაწეობდნენ სხვადასხვა სფეროში. დაწვრილებითი ინფორმაცია შეგიძლიათ იხილოთ ქვემოთ მოცემულ ლინკზე: http://en.wikipedia.org/wiki/List_of_HIV-positive_people
დიახ. აივ ინფექცია/შიდსი გადაეცემა მშობარობის დროს. დედიდან შვილზე შიდსის ვირუსი გადაეცემა როგორც მუცლადყოფნის პერიოდში, ისე მშობიარობის და ძუძუთი კვების დროს.
ასეთი შემთხვევის დროს შიდსის ვირუსით დაინფიცირება არ ხდება.
ტუბერკულოზისათვის დამახასიათებელია: სისუსტე, ოფლიანობა, ცხელება, წონაში კლება, უმადობა, ხველა და სხვ. ტუბერკულოზის მკურნალობა ხდება სპეციალიზებულ საავადმყოფოებში, მაგ. ტუბერკულოზისა და ფილტვის დაავადებათა ეროვნული ცენტრი ქ. თბილისში. ტუბერკულოზის დისპანსერები.
რაც შეეხება თქვენს სიმპტომებს. აღნიშნული სიმპტომები აივ ინფექცია/შიდსისათვის სპეციფიკური არ არის. ისინი ნაწილობრივ დაკავშირებულია ვეგეტონევროზულ სინდრომთან. შიდსის ვირუსით დაინფიცირებიდან კლინიკური ნიშნები ვლინდება საშუალოდ 6-7 წელში, თუმცა რიგ შემთხვევებში დაავადება შეიძლება განვითარდეს უფრო ადრეც. თუ თქვენ ბოლო საეჭვო კონტაქტიდან 2 თვის შემდეგ გაიკეთეთ ანალიზი შიდსზე და პასუხი იყო უარყოფითი (ვირუსი არ აღმოჩნდა), მაშინ სანერვიულო არაფერი გაქვთ. თუმცა რეკომენდირებულია რისკის ქცევიდან გამოკვლევამდე გასული იყოს 3 თვე (ფანჯრის პერიოდი).
არა. აივ ინფექცია/შიდსის დროს მხოლოდ პაპილომავირუსით გამოწვეული დაავადება ცალკე არ გხვდება.
ჩვენს ცენტრში დაინფიცირების შანსი ნამდვილად არ არსებობს. ანალიზებისათვის სისხლის აღება ხდება მხოლოდ ერთჯერადი შპრიცით. ამასთანავე სამედიცინო პერსონალი მუშაობს ხელთათმანებით.
დიახ, შეიძლება. შიდსის ვირუსის გადაცემის ერთ-ერთ მთავარ გზას დაუცველი სქესობრივი კონტაქტები წარმოადგენს.
CD4+ ლიმფოციტების რაოდენობა სხვადასხვა ადამიანისათვის ინდივიდუალურია. ზოგ შემთხვევაში ეს გენეტიკური ფაქტორებითაა განპირობებული.
შიდსის ცენტრში აივ ინფიცირებული პაციენტებისათვის, რომლებიც არიან საქართველოს მოქალაქეები (აქვთ ქვეყნის მოქალაქის დამადასტურებელი პირადობის მოწმობა) ყველა სახის სამედიცინო მომსახურება, მათ შორის ანტივირუსული მკურნალობა და სხვადასხვა გამოკვლევები არის აბსოლუტურად უფასო. ანტივირუსული მკურნალობა დაფინანსებულია არასამთავრობო ორგანიზაცია გლობალური ფონდის მიერ.
ეპილაციის დროს შიდსის ვირუსის გადეცემა ძალზე იშვიათია. თუმცა არასტერილური ინსტრუმენტების გამოყენება, რა თქმა უნდა, დაკავშირებულია ვირუსის გადაცემასთან.
თქვენ შეგიძლიათ გამოიყენოთ ეს ინფორმაცია, ასევე თუ ცენტრში მობრძანდებით შეგვიძლია მოგაწოდოთ სხვა დამატებითი ინფორმაციაც. სასურველია თუ თემაში მიუთითებთ ინფორმაციის წყაროს.
თქვენს მიერ დასახელებული სიმპტომები აივ ინფექცია/შიდსისათვის არაა დამახასიათებელი. მით უმეტეს, რომ სქესობრივი კავშირები დაცული გქონდათ და რისკის ქცევას არ აღნიშნავთ.
პაპილომა ვირუსების შესახებ არსებობს უამრავი ლიტერატურა. ყველაფრის შესახებ ინფორმაციის მოწოდება ამ ფორმატში ძალიან ძნელია. შეგიძლიათ მობრძანდეთ ჩვენს ცენტრში, სადაც კვალიფიციური ექიმი-ინფექციონისტებისგან მიიღებთ ამომწურავ პასუხებს აღნიშნულ ინფექციასთან დაკავშირებით აქვე საჭიროების შემთხვევაში შეგიძლიათ ჩაიტაროთ სპეციალიზებული გამოკვლევა პაპილომა ვირუსის დნმ-ის განსაზღვრის მეთოდით.
პირველ რიგში, რჩევის სახით მინდა გითხრათ, რომ უნდა მოერიდოთ შემთხვევით და განსაკუთრებით დაუცველ სქესობრივ კავშირებს. რაც შეეხება პრეზერვატივის გამოყენებას, იგი საიმედოდ იცავს ადამიანს აივ ინფექცია/შიდსის და სქესობრივი გზით გადამდები ინფექციებისაგან. სქესობრივი კონტაქტისას დაცვის ძირითად საშუალებას პრეზერვატივი წარმოადგენს. შენიშვნა: პრეზერვატივი უნდა იყოს ახალი, დაუზიანებელი და აფთიაქში შეძენილი.
აივ ინფექცია/შიდსის მკურნალობა და გამოკვლევები საქართველოს მოქალაქეებისთვის უფასოა.
დაცული სქესობრივი კონტაქტის დროს აივ ინფექცია არ გადაეცემა, რა თქმა უნდა თუ ამ დროს არ მოხდა პრეზერვატივის მთლიანობის დარღვევა.
სიფილისი არის სქესობრივი გზით გადამდები დაავადება, რომელიც გადაეცემა დაუცველი სქესობრივი კონტაქტით, ახასიათებს სასქესო ორგანოების დაზიანება, გამონაყარი სასქესო ორგანოებზე, ე.წ შანკრი, რომელიც თავდაპირველად უმტკივნეულოა. ეს ვლინდება საეჭვო კონტაქტიდან 20-30 დღის განმავლობაში.
ასეთი მაკრატელი, რომელიც გაზქურის ალზე გამოიწვა საშიში აღარ არის.
აივ არის ადამიანის იმუნოდეფიციტის ვირუსი.
თქვენს მიერ ჩამოთვლილი სიმპტომები გვაფიქრებინებს რომ აქ ადგილი ავს დაჩირქებულ ჭრილობას და არა კაპოშის სარკომას, რომელსაც ახასიათებს მრავლობითი და არა ერთეული გამონაყარი და თეთრი ფუფხის გარეშე, კაპოშის სარკომა ემართება ძირითადად იმ პირებს, ვისაც აქვს ძლიერი იმუნოდეფიციტი. დამატებითი კონსუტაციისათვის შეგიძლიათ მობრძანდეთ ჩვენ ცენტრეში (მისამართი საიტზეა) და მიიღოთ კვალიფიციური კონსულტაცია.
დაავადების ერთ-ერთი სიმპტომია ძლიერი საერთო სისუსტე, თუმცა როგორც წესი სისუსტე გვხვდება სხვა ნიშნებთან ერთად და მარტო სისუსტის არსებობა და თვალთ დაბნელება შეიძლება სხვა დაავადების ბრალიც იყოს, ამიტომ საჭიროა გამოვიკვლიოთ დაავადების მიზეზი. სასურველი იქნება კონსულტაციისთვის მიაკითხოთ თერაპევტს და სისხლის საერთო ანალიზიც გაიკეთოთ.
უროლოგიური გამოკვლევისთვის სასურველი იქნება მიაკითხოთ პირველი კლინიკური საავადმყოფოს (არამეანცის ) ტერიტორიაზე მდებარე უროილოგიის ცენტრს, სადაც ჩაგიტარდებათ უროლოგიური გამოკვლევები და უროლოგი მოგცემთ დამატებით რჩევას რა გამოკვლევები ჩაიტაროთ.
პაპილომავირუსი და აივ /შიდსის ვირუსი აბსოლიტურად სხვადასხვაა.
შიდსის წარმოშობის შესახებ დაწვრილებით შეგიძლიათ იხილოთ საიტზე განთავსებული ვირუსის ისტორია.
შიდსი შეიძლება გადაეცეს ნებისმიერი სახის სქესობრივი კავშირის დროს, ინფიცირებისაგან თავდაცვა შესაძლებელია პრეზერვატივის გამოყენებით.
პრეზერვატივი სასურველია იყოს ხარისხიანი და ვადიანი.
გამოკვლევები შეგიძლია ჩაიტაროთ ჩვენს ცენტრში.
C ჰეპატიტის მკურნალობა შესაძლებელია, მკურნალობა ტარდება ჩვენს ცენტრში, C ჰეპატიტის გადაცემის გზები მსგავსია შიდსის გადაცემის გზებისა.
გამონაყარში იგულისხმება სხვადასხვა სახის ლაქები ან სხვა წარმონაქმნები კანზე რომელიც ჩვეულებრივ არ გვხდება.
ეს არ არის შიდსის სიმპტომები
რისკი დაახლოებით 35-45%, მაგრამ ადამიანი შეიძლება დაინფიცირდეს მხოლოდ ერთჯერადი სქესობრივი კონტაქტისასსაც.
პრეზერვატივი იცავს ყველა სქესობრივი გზით გადამდები დაავადებებისგან,მათ შორის ჰერპესისგან.
სასურველია პრეზერვატივი მაღალი ხარისხის იყოს.
თქვენს მიერ მითითებული დრო იმდენად მცირეა, რომ არ დროში შიდსის განვითარება როგორც წესი არ ხდება და ეს სიმპტომები სხვა დაავადების ბრალი შეიძლება იყოს, მაგრამ თქვენ შეგიძლიათ ჩაიტაროთ გამოკვლევა აივ შიდსზე, რათა დაისვას ზუსტი დიაგნოზი.
შიდსის კლინიკა საშუალოდ ვითარდება ინფიცირებიდან 5-6 წლის პერიოდში, თუმცა როგორც ცნობილია შიდსს ზოგჯერ ახასითებს აგრესიული მიმდინარეობა როცა სიმპტომები 3 წელზეც ვითარდება. ამიტომ სასურველია გამოკვლევა ჩაიტაროთ რათა საბოლოოდ დარწმუნდეთ.
ასეთ დროს პირველ რიგში სასურველია გამოირიცხოს ცხოველის ცოფით დაავადება, აივ ინფექციას რაც შეეხება დაინფიცირების თეორიული შანსი არსებობს, მაგრამ ასეთი რამ პრაქტიკაში ძალიან იშვიათია.
პრეზერვატივი იცავს ყველა სქესობრივი გზით გადამდები დაავადებებისგან, მათ შორის ჰერპესისგან.
აივ ინფექცია შიდსი დაფიქსირებულია მსოფლიოს ყველა კონტინენტზე და თითქმის ყველა ქვეყანაში.
აივ ინფექციის პირველი შემთხვევა დაფიქსირდა 1989 წელს.
დედიდან ბავშვზე აივ ვირუსის გადაცემის რისკი 30%-ია მაგრამ თუ დედა აღრიცხვაზეა შიდსის ცენტრში და იტარებს მკურნალობას, მაშინ ეს რისკი 1-2% მდე მცირდება .
შიდსით დაავადებულთა დიდი ნაწილი მამაკაცები არიან.
შიდსით დაავადებულთა ყველაზე მეტი შემთვევა დაფიქსირებულია აფრიკის კონტინენტზე.
შიდსი არის ის დაავადება, რომელსაც იწვევს ადამიანის იმუნოდეფიციტის ვირუსი - აივ. ვირუსოლოგიური კლასიფიკაციით აივ მიეკუთვნება რეტროვირუსების ოჯახს ლენტივირუსების ქვეოჯახს.
ჩვენს ცენტრში ხორციელდება გამოკვლევები ბევრ ვირუსულ და არავირუსულ დაავადებებზე და შეგიძლიათ თავისუფლად ისარგებლოთ ამ სერვისით.
მხოლოდ ერთი ჯირკვალის არსებობა არ მიანიშნებს შიდსით დაავადებაზე, მაგრამ სასურველია ჩაიტაროთ გამოკვლევა თუ თვლით, რომ შეიძლება ეს ინფექცია გქონდეთ.
ლიმფური ჯირკვლების გადიდება შიდსის ერთ-ერთი დამახასიათებელი სიმპტომია, თუმცა იგი შეიძლება შეგვხვდეს არა მართო შიდსის, არამედ სხვა დაავადებების დროსაც, ამიტომ ლიმფური ჯირკვლების გადიდების მიზეზად შიდსი ითვლება მხოლოდ მაშინ თუ დიაგნოზი ლაბორატორიულად არის დასმული.
შეიძლება, თუმცა ამნაირი შემთხვევა ძალიან იშვიათია და შეუმჩნეველი არ რჩება ხოლმე.
სისხლის საერთო ანალიზით აივ/შიდსი არ დგინდება, ინფიცირებული ქირურგის მიერ ოპერაციის დროს პაციენტის დაინფიცირების შემთხვევა დაფიქსირებული არ არის. თუ ჭრილობიდან სისხლდენა არ აღინიშნება იგი არ შეიძლება ჩაითვალოს პაციენტისათვის საშიშად. საერთოდ ქირურგიული მანიპულაციების დროს ექიმები ვალდებული არიან იხმარონ ხელთათმანები.
არაუგვიანეს ორი დღისა, თუმცა რამდენიმე საათშიც შეიძლება პასუხის მიღება. ეს დამოკიდებულია გამოყენებულ დიაგნოსტიკის მეთოდზე.
დაინფიცირების შანსი უფრო მაღალია მაშინ, როდესაც პრეზერვატივს საერთოდ არ იყენებ.
არის შემთხვევები, როდესაც პიროვნებას ჰქონდა მხოლოდ ერთი დაუცველი კავშირი, ამ შემთხვევაში ვირუსის გადაცემის შანსი უფრო ნაკლებია ვიდრე მაშინ თუ მას ჰქონდა რამდენიმე დაუცველი კავშირი, მაგრამ დაბალი შანსი არ გამორიცხავს დაინფიცირების შესაძლებლობას და ზოგჯერ ერთჯერადი კავშირიც საკმარისია დასაინფიცირებლად.
არა
ჩვენს ცენტრში შესაძლებელია გამოკვლევის ჩატარება სხვადასხვა ინფექციაზე, ვენერიულ დაავადებებზე გამოკვლევის ჩატარებისათვის სჯობია კანისა და ვენსნეულებათა სამეცნიერო ინსტიტუტს მიაკითხოთ.
აღწერილი სიმპტომატიკის მიხედვით შიდსით დაავადების შესახებ მსჯელობა შეუძლებელია, აივ/შიდსის დიაგნოსტირებისათვის საჭიროა ლაბორატორიული გამოკვლევის ჩატარება აივ/შიდსზე.
პრეზერვატივით დაცული სქესობრივი კონტაქტით შიდსი და სქესობრივი გზით გადამდები სხვა დაავადებები არ გადაეცემა.
შიდსის ვირუსის გადაცემა შეიძლება მოხდეს დაუცველი სქესობრივი კავშირის დროს, ვირუსის გადაცემისთვის მნიშვნელობა აქვს, არა მარტო ინფიცირებულ სპერმას, არამედ სასქეზო გზების ლორწოვანის მდგომარეობას, ცნობილია რომ სხვა სქესობრივი გზით გადამდები დაავადებების არსებობა ან სასქესო ორგანოების ლორწოვანის ანთებითი პროცესები და მიკროტრავმები ზრდის ვირუსის გადაცემის რისკს. ამგვარად ვირუსი შეიძლება გადაეცეს ინფიცირებულ ადამიანთან დაუცველი სქესობრივი კონტაქთის შემთხვევაში თუმცა მისი გადაცემის რისკი აბსოლუტური არ არის.
შიდსისთვის დამახასიათებელია შემდეგი სიმპტომები:
ეს სიმპტომები ვლინდება შიდსით დაინფიცირებიდან საშუალოდ 3-7 წლის გასვლის შემდეგ.
არამოტივირებული ცხელებაში იგულისხმება მაღალი 38-39 გრადუსამდე ტემპერატურა, როდესაც პიროვნებას არ აქვს დასმული რომელიმე ცხელებით მიმდინარე დაავადების დიაგნოზი და რომელიც გრძელდება გარკვეული პერიოდის განმავლობაში.
დაინფიცირების რისკი არსებობს, მაგრამ არა იმდენად მაღალი როგორც ანალური და ვაგინალური სქესობრივი კონტაქტების დროს.
შიდსი ანალიზით გამოვლინდება ინფიცირების მომენტიდან 3 თვის მერე.
ერთჯერადი დაუცველი სქესობრივი კონტაქტის დროს დაინფიცირების შანსი დაბალია, თქვენ შეგიძლიათ გამოკვლევა ჩაიტაროთ ამ კონტაქტიდან 3 თვის გასვლის მერე, ანალიზის ღირებულება 10 ლარი.
აივ ტესტირება (ანალიზი შიდსზე) ღირს საშუალოდ 10 ლარი (ფასი ოდნავ მერყეობს ტესტსისტემის თვითღირებულების მიხედვით), ცენტრში გამოიყენება დიაგნოსტიკის ექსპრეს მეთოდიც რომელიც 30 ლარი ღირს. საეჭვო კონტაქტიდან 3 თვეზე ჩატარებული ანალიზის პასუხი სარწმუნოდ ითვლება, თუმცა ვითვალისწინებთ რა, რომ ყველა ორგანიზმი ინდივიდუალურია გაძლევთ რეკომენდაციას, ანალიზი გაიმეოროთ 6 თვის მერე.
პრაქტიკულად ასეთი შემთხვევა, რომელიც მეცნიერულად გამოკვლეული და შესწავლილი იქნებოდა არ ყოფილა, ასე რომ შემიძლია გითხრათ შიდსის განკურნების შემთხვევა დაფიქსირებული არაა და იგი დღესდღეობით განუკურნებელ დაავადებად ითვლება.
ჯერჯერობით, რამდენადაც ცენტრს აქ ინფორმაცია თბილისში სახლის ტესტების შემოტანაზე საუბარი არც ყოფილა და ალბათ საერთოდ არ მოხდება "სახლის ტესტების" შემოტანა საქართველოში.
საეჭვო კონტაქტიდან 4-8 კვირას ეწოდება "ფანჯარა პერიოდი" ამ დროს გამომუშავებული აივ ანტისხეულების კონცენტრაცია დაბალია და აივ ტესტირებით მათი აღმოჩენა ვერ ხერხდება, ამიტომ ამ პერიოდში აივ ტესტირებას აზრი არ აქვს, რადგან შეიძლება ტესტირებამ მოგვცეს ე.წ. ,,ცრუ უარყოფითი” შედეგი, საერთოდ ცნობილია, რომ ადამიანის ორგნიზმს ახასიათებს გარკვეული ინდივიდუალობა და ზოგჯერ აივ საწინააღმდეგო ანტისხეულების გამომუშავებისათვის 4-8 კვირა საკმარისი არ არის, ამიტომ ჩვენ რეკომენდაციას ვუწევთ საეჭვო რისკ ქცევდან 3 თვის გასვლას რადგან ამ დროს აივ ანტისხეულების ტიტრი საკმაოდ მაღალია, თუმცა თეორიულად არსებობს იმის შანსი, რომ ანტისხეულები დაგვიანებით 6 თვის შემდეგ ან უფრო გვიანაც გამომუშავდეს და 3 თვეზე გაკეთებული ანალიზიც კი არ იყოს ზუსტი, მაგრამ ეს ძალიან იშვიათ შემთხვევაში ხდება და პრაქტიკულად 3 თვეზე გაკეთებული ტესტირების შედეგი ზუსტად ითვლება.
არ არის შესაძლებელი, რადგან ვირუსის კონცენტრაცია ნერწყვში ძალიან დაბალია.
საერთოდ ცნობილია, რომ ადამიანის ორგანიზმს ახასიათებს გარკვეული ინდივიდუალობა და ზოგჯერ აივ საწინააღმდეგო ანტისხეულების გამომუშავებისათვის 4-8 კვირა საკმარისი არ არის, ამიტომ ჩვენ რეკომენდაციას ვუწევთ საეჭვო რისკ ქცევდან 3 თვის გასვლას რადგან ამ დროს აივ ანტისხეულების ტიტრი საკმაოდ მაღალია, თუმცა თეორიულად არსებობს იმის შანსი, რომ ანტისხეულები დაგვიანებით 6 თვის შემდეგ ან უფრო გვიანაც გამომუშავდეს და 3 თვეზე გაკეთებული ანალიზიც კი არ იყოს ზუსტი, მაგრამ ეს ძალიან იშვიათ შემთხვევაში ხდება და პრაქტიკულად 3 თვეზე გაკეთებული ტესტირების შედეგი ზუსტად ითვლება.
ასეთ შემთხვევაში შემიძლია გითხრათ, რომ აივ-ის გადაცემის რისკი საკმაოდ დაბალია. თუმცა თუ ცნობილი იყო, რომ პიროვნება აივ ინფიცირებულია მაშინ ანალიზების გაკეთება აუცილებელია. თქვენ აივ ტესტირების ჩატარება შეგიძლიათ აღნიშნული შემთხვევიდან სამი თვის გავლის შემდეგ. თუ კონტაქტი დაცულია მაშინ არ ხდება სქესობრივი გზით გადამდები ინფექციების გადაცემა, მაგრამ პრეზერვატივის დახევის შემთხვევაში კი შესაძლებელია ასეთი ინფექციების გადაცემა, თუმცა აქაც დაბალია დაინფიცირების რისკი.
თქვენი კითხვის პასუხად მინდა ავღნიშნო რომ, ჩვენს ცენტრში და კონფიდენციალური კონსულტირების ცენტრებში (VCT) ფუნქციონირებს უფასო კონსულტირების კაბინეტები, სადაც ნებისმიერ ადამიანს შეუძლია ჩაიტაროს კონსულტაცია და აივ ტესტირება. კონსულტაციის დროს პიროვნებას მიეწოდება ამომწურავი ინფორმაცია აივ ინფექციის შესახებ და ფასდება პიროვნების რისკ ქცევა, კონსულტანტი განუმარტავს მას აივ პოზიტიური სტატუსის მნიშვნელობას და აწვდის ინფორმაციას აივ ინფიცირებულთა მოვლის და მკურნალობის დღეს არსებულ მიღწევების შესახებ. კონსულტანტი ცდილობს პიროვნება შეაგუოს როგორც დადებით, ისე უარყოფითი შედეგის მოლოდინს. მხოლოდ, ამის შემდეგ პიროვნების თანხმობით ტარდება აივ ტესტირება. ტესტირების შედეგის მიღების შემდეგ პიროვნების შემდეგი ვიზიტის დროს კონსულტანტი აცნობს მას თავისი სტატუსის შესახებ. ინფიცირებული ადამიანისათვის პასუხის მიწოდება ხდება გარკვეული წინასწარი შემზადების შემდეგ, კონსულტანტი ცდილობს, რომ აივ ინფიცირებულ პიროვნებას შეუმსუბუქოს მდგომარეობა. საჭიროების შემთხვევაში შესაძლებელია ფსიქოლოგიური დახმარების გაწევაც.
ადამიანის იმუნოდეფიციტის ვირუსი აღმოჩენილია ადამიანის ყველა ბიოლოგიურ სითხეში, მაგრამ მისი კონცენტრაცია სხვადასხვაა ამ სითხეებში. ვირუსის ყველაზე მაღალი კონცენტრაცია აღინიშნება სისხლში, სპერმაში და ვაგინალურ სეკრეტში, თავ-ზურტვინის სითხეში. სხვა ბიოლოგიურ სითხეებში მაგ:. ნერწყვში, ოფლში და სხვ. ვირუსის კონცენტრაცია დაბალია. მეცნიერები თვლიან, რომ ამ სითხეებში ვირუსი არ არის ,,დამაინფიცირებელი კონცენტრაციით” და სწორედ ამიტომ არ არის გამოვლენილი ნერწყვით დაინფიცირების შემთხვევები, გარდა ამისა დაუზიანებელი კანი კარგი ბარიერია ვირუსისათვის. თუმცა თეორიულად არსებობს იმის შანსი, რომ პირის ღრუს ტრავმირებული ლორწოვანიდან ნერწყვს სისხლიც შეერიოს და მეორე ადამიანის ღია ჭრილობაზე მოხვდეს. ამასთან შიდსის ვირუსი საკმაოდ ძლიერია ორგანიზმში, მაგრამ როდესაც ის ტოვებს ორგანიზმს, გარემოში ადვილად ინაქტივირდება (იშლება), განსაკუთრებით მზის პირდაპირი სხივების მოქმედებისას.
სამწუხაროდ თქვენს კითხვაში არ არის დაკონკრეტებული რა სახის სახიფათო კონტაქტის გულისხმობთ. თუმცა უნდა გითხრათ, რომ ზედაპირის სპირტით ან მარგანცოვკით დამუშავებით დაავადების პროფილაქტიკა შეუძლებელია, რადგან სპირტი უპირველეს ყოვლისა ( თუ იგი 70 % იანი არაა) იწვევს ვირუსის ფიქსაციას და სპირტით ვირუსის გასაუვნებლად გარკვეული დრო და სპირტის კონცენტრაციაა საჭირო, რასაც ზედაპირის დამუშავებისას (განსაკუთრებით თუ ეს ზედაპირი ლორწოვანი გარსია) ვერ მივაღწევთ , არ უნდა დავივივიწყოთ ის გარემოება , რომ სპირტი და სხვა სადეზინფექციო საშულებები აზიანებს როგორც ვირუსების და ბაქტერიების უჯრედებს ასევე ტოქსიკურია ადამიანის უჯრედებისათვის და იწვევს მათ დაზიანებას. დაზიანებული კანი და ლორწოვანი კი ვირუსისათვის ბარიერს აღარ წარმოადგენს და დაცვის ნაცვლად შეიძლება ხელიც კი შეუწყოს ვირუსის ორგანიზმში შეღწევას. ასეთი საეჭვო კონტაქტის შემთხვევაში აუცილებელია შემხები ზედაპირის საგულდაგულო დამუშავება საპნით და გამდინარე წყლით. ამ დროს მექანიკურად ხდება ზედაპირიდან ვირუსის შემცველი მასის მოცილება და მაქსიმალურად მცირდება ვირუსის კონცენტრაცია, გარდა ამისა ზედაპირის ტრავმირების რისკი დაბალია, რაც ამცირებს დაინფიცირების რისკს. პროფილაქტიკის მთავარ ელემენტად კი ისევ დაუცველი კონტაქტებისაგან თავის არიდება და სტერილური სამედიცინო იარაღების გამოყენება შეიძლება ჩავთვალოთ.
ამ შემთხვევაში ცალსახა პასუხის გაცემა რთულია, რადგან აუცილებლად უნდა გავითვალისწინოთ რამდენიმე მნიშვნელოვანი ფაქტორი; კერძოდ, რამდენი დრო გავიდა ინფიცირებული ადამიანის მიერ შპრიცის გამოყენებიდან, არის თუ არა მასში სისხლი და მოხვდა თუ არა ეს სისხლი ჭრილობაში. თუ შპრიცი იყო მზის პირდაპირი სხივების მოქმედების ქვეშ ერთი საათი მაინც და მასში მყოფი ნარჩენი სისხლი არ მოხვდა ჭრილობაში, მაშინ დაინფიცირების რისკი თითქმის ნულის ტოლია. ასევე დაბალია რისკი თუ შპრიცის გამოყენებიდან დიდი დროა გასული. აუცილებლად უნდა გვახსოვდეს! ნებისმიერი უკვე გამოყენებული შპრიცის უცაბედად შერჭობისას დაზიანებული ადგილს მაშინვე ნუ დაამუშავებთ რომელიმე სადეზინფექციო ხსნარით, ჯერ საგულდაგულოდ დაამუშავეთ საპნით და გამდინარე წყლით თუ ჭრილობიდან გამოვიდა სისხლი და ეს არ არის ძლიერი სისხლდენა, მაშინ ცოტა ხნით ნუ შეწყვეტთ სისხლდენას რადგან სისხლი არა მარტო მექანიკურად ასუფთავებს ჭრილობას არამედ ბაქტერიოციდული მოქმედებაც აქვს და მხოლოდ შემდეგ დაამუშავეთ ჭრილობა სადეზინფექციო ხსნარით (70 % სპირტი და სხვ.) დაუშვებელია ჭრილობის დამატებითი ტრავმირება ან კანის ძლიერი დასრესა. რაც შეეხება აივ ტესტირებას იგი ინფორმაციულია მხოლოდ სარისკო ქცევიდან არანაკლებ 3 თვის გასვლის შემდეგ, მანამდე აივ ტესტირებას აზრი არ აქვს. ამ და სხვა ნებისმიერ საკითხთთან დაკავშირებით დამატებითი კონსულტაცია შეიძლება მიიღოთ ჩვენს ცენტრში ან ჩვენს სატელეფონო ცხელ ხაზზე.
დიახ. დღესდღეობით ფუნქციონირებს აივ ინფიცირებულთა დახმარების ფონდები, სადაც აივ ინფიცირებული პირები ერთმანეთს ხვდებიან და საჭიროების შემთხვევაში შეუძლიათ მიიღონ ფსიქოლოგიური დახმარებაც, ამ ფონდებში ფუნქციონირებს სატელეფონო ხაზები და აგრეთვე მათთან დაკონტაქტება შესსაძლებელია იმეილით.
ის ციფრები რაც თქვენ ოფიციალურ სტატისტიკაში შეგიძლიათ ნახოთ ასახავს მხოლოდ გამოვლენილ და ცენტრში რეგისტრირებულ შემთხვევათა რიცხვს, თუმცა ეს არ არის რეალური ციფრი, რამდენი ინფიცირებულია საქართველოში რადგან შეუძლებელია მთელი მოსახლეობის გამოკვლევა აივ ინფექციაზე, ამიტომ საქართველოს ისევე როგორც სხვა ნებისმიერ ქვეყანას აქვს ინფიცირებულთა სავარაუდო რიცხვი რომელიც სპეციალური კვლევებით არის მიღებული, ეს რიცხვი რეგისტრირებულ შემთხვევებზე დაახლოებით 4-4.5 - ჯერ მეტია. ანუ დღეისათვის საქართველოში ინფიცირებულთა სავარაუდო რიცხვი არის 3000-3500.
სოციალური კონტაქტები - ხელის ჩამორთმევა, მოფერება საშიში არ არის. შიდსით დაავადებულთან შეხებაზე უარი არ თქვათ. მას ისევე (და უფრო მეტად) ესაჭიროება კეთილგანწყობა და ადამიანური სითბო, როგორც ჯანმრთელს.
შიდსის ვირუსი არ გადაეცემა კარის სახელურზე შეხებით, ტელეფონის ყურმილით, პირსახოცით, სამუშაო ინსტრუმენტებითა და სხვა საგნებით. ასევე არ გადაეცემა დახველების, ცხვირის დაცემინების ან ხელის ჩამორთმევისას. ასე რომ, თქვენთვის არ არსებობს შიდსის გადადების რისკი დაავადებულთან ყოველდღიური კონტაქტის დროს.
კოღოების ან სხვა მწერების მიერ შიდსის გადაცემა არ ხდება.
მაშინაც კი, როდესაც თქვენ ნაკაწრი ან ჭრილობა გაქვთ, საზოგადოებრივ აუზებსა და აბანოებში ყოფნისას შიდსის ვირუსი არ გადაგედებათ.
მსოფლიოში არ არის ცნობილი კბილის ჯაგრისით შიდსის ვირუსის გადადების არცერთი შემთხვევა, მაგრამ ჰიგიენური მოსაზრებით, აუცილებელია, თქვენი ჯაგრისი მხოლოდ თქვენ იხმაროთ.
შიდსი სქესობრივი კონტაქტით გადამდები დაავადებაა. «ინფიცირებული ტუალეტით შიდსის გადადება» - გამონაგონია.
არ არსებობს ამ დაავადების გადადების საფრთხე, როდესაც თქვენ და შიდსით დაავადებული ერთად სადილობთ, თუნდაც საერთო თეფშიდან მიირთმევდეთ.
პარიკმახერი ვალდებულია თავისი მაკრატელი და სამართებელი ხელახალი ხმარებისათვის წინასწარ დაამუშაოს სპირტით ან სხვა სადეზინფექციო საშუალებით და გაასტერილოს.
სტომატოლოგი და მისი დამხმარე ვალდებულია, სტომატოლოგიურ ინსტრუმენტებს ჯერ სათანადო დეზინფექცია და შემდეგ საფუძვლიანი სტერილიზაცია გაუკეთონ. ისინი ვალდებულნი არიან სტომატოლოგიური იარაღები მხოლოდ ასეთი დამუშავების შემდეგ გამოიყენონ.
მსოფლიოში არ არის ცნობილი და დაფიქსირებული შიდსის კოცნით გადადების არცერთი შემთხვევა.
გამოცდილება
ცენტრში მუშაობენ მაღალი დონის პროფესიონალი და გამოცდილი ინფექციონისტები
გამოცდილება
ხარისხიანი
დადებითი
24 საათი
